#1 Din Kuch Aisy Guzaarta Hai Koi — Gulzar Ghazal — KabYaar

Din Kuch Aisy Guzaarta Hai Koi
Jaisy Ehsan Utarta Hai Koi

Dil Main Kuch Yuun Sambhalta Hun Gham
Jaisy Zewar Sambhalta Hai Koi

Aina Dekh Kar Tasalli Hui
Hum Ko Is Ghar Main Janta Hai Koi

Ped Par Pak Gya Hai Phal Shayad
Phir Sy Pathar Uchalta Hai Koi

Dair Sy Goonjty Hain Sannaty
Jaisy Hum Ko Pukaarta Hai Koi

Video Link: Dink Kuch Aisy

Hamari Khushi Dosron Ki Khushi Main — Motivational & Inspirational Short Story

Ek Baar 50 Logo Ka Group Ek Meeting Main Hissa Ly Raha Tha. Meeting Shru Huwy Abi Kuch He Minute Guzry Thy k Speaker Achanak He Ruka Aur Sabi Participants ko Gubary Dety Huwy Bola: Aap Sabi Ko Gubary Par is Marker Sy Naam Likhna Hai.

Speaker k Kehny Par Sabi Ny Aisa He Kia. Naam Likhy Huwy Gubaron ko Ek Dosry Kamry Main Rakhwa Dia Gya. Speaker Ny Abi Sabi Ko Ek Sath Us Kamry Main Ja Kar 5 Minute Main Apny Apny Naam Wala Gubara Doondny ko Kaha. Sary Participants Tezi sy Kamry Main Ghusy Aur Paglo ki Tarah Apny Naam Wala Gubara Doondhny Lagy. Par Is Afra Tafri Main Koi B Apna Gubara NA Doondh Saka.

5 Minute Baad Sabi ko Bahir Bula Lia Gya. Speaker Bola Ary kya Hua Aap Sab Khali Hath Kiu Hain? Kya Kisi Ko B Apny Naam Wala Gubara Nai Mila? Nai Ham Ny Bohat Doonda Laikin Hamesha Kisi Aur k Naam Wala Gubara He Hath Main Aya Ek Participant Ny Mayoos Hoty Huwy Bola..

Speaker Bola Koi Baat Nai Aap Log Ek Baar Phr Kamry Main Jaain Par Is Baar Jisy Jo B Gubara Mily Usy Hath Main Ly Kr Us Shakhs Ka Naam Boly Jis Ka Naam Us Par Likha Hua Ho. Ek Baar Phr Sabi Participants Skoon Sy Kamry Main Gaye. Kamry Main Kisi Tarah ki Afra Tafri Nai Machi Hui Thi Sab Ny Ek Dosry Ko Un K Naam K Gubary Diye Aur 3 Minute Main He Bahir Agaye.

Ab Speaker Ny Ghamgheen Ho Kar Kaha:

BIlkul Yehi Cheez Hamari Zindagi Main B HO Rahi Hai Her Koi Apny Liye Jee Raha Hai Usy Is Sy Koi Matlab Nai K Wo Kis Tarah Auron ki Madat Kr Sakta Hai.Wo to BUs Paglon ki Tarah Apni He Khushiyan Dhoond raha Hai Aur Bohat Dhoodny k Baad B Usy Kuch Nai Milta. Hamari Khushi Dosron Ki Khushi Main Chupi Hui Hai. Jab Aap auron ko Un Ki Khushiyan Dena Seekho Gay To Apny Aap he Aap ko Apni Khushiyan Mil Jayein Gi.
Apna Qeemti Time Deny ka Bohat Shukriya. Aap ko Ye Motivational Story Kaisi Lagi Hamain Comment kr k Zaror btain.

Sony Ka Haar — Motivational & Inspirational Short Story

Aik Johari Ki Wafat k Baad Us Ka Khandan Mushkil Main Parh Gya. Khany Peeny Ki B Bohat Mushkil HO Gai.Aik Din Us ki Biwi Ny Apny Bety Ko Eik Sony Ka Haar Dy Kar Kaha Beta Isy Apny Chacha ki Dukan Par Ly Jao Aur Kehna Isy Bech Kar Kuch Rupy Dy Dain. Beta Wo Haar Ly Kr Chaha G K Paas Gya.

Chacha Ny Haar kO Achi Tara Dekha aur Aur Parkha aur kaha Beta Maa sy Kehna k Abi Bazar bohat Manda Hai Thora Ruk Kr Bechna Bohat Achy Daam Mily Gay. Aur Usy Thory sy Rupy Dy Kar kaha K Tum Kal Sy Dukan Par Akar Bethna. Agly din sy Wo Larka Dukan par Akar Bethny laga. Aur Wahan Sony Chandi ka kaam Seekhny lag gya.

Ek Din Wo Bohat Bara Parkhi Ban Gya. Parkhi Matlab Sony Chandi ko Parakhny Wala. Log Door Door Sy Sony Chandi ki Parakh Krwany Any Lagy. Ek Din Chacha Ny Kaha Beta Apni Maa sy Wo Haar Ly Kr Ana aur Kehna Ab Bazar Bohat Tez Hai. Us K Achy Daam Mil Sakty Hain. Maa sy Haar Ly Kr Us Ny Parkha aur Paya k Haar Nakli Hai. Us Ny Haar Ghar Par he Chora aur Dukan Par Agya. Chacha Ny Poocha Haar Nai Laye? Us Ny Kaha Wo to Nakli Tha.

Tab Chacha Ny Kaha Jab Tum Pehli Baar Haar Lay Kar Aye Thy Tab Main Usy Nakli Bta Deta to Tum Sochty k Aaj Ham Par Bura Waqat Aya to Chacha Hamari Cheezon Ko B Naqli Btany Lagy. Aaj Jab Tumhain khud Ilam Ho Gya to tumhain Pata Chal Gya k Haar Waqai Naqli Hai.

Sach Ye Hai Ilam k Bina Ham is Duniya Main Hum jo B Sochty Samjhty Hain Sab Ghalat hai. Aur Aiisy he Ghalat Fehmi Ka Shikar ho Kar Rishty Bigarty hain.

Kisi Ny Sach He Kaha Hai K:

Zara C Ranjish Par Mat Chor kisi Apny Ka Damin

Zindagi Beet Jati Hai Apno Ko Apna Banany Main

Kamyabi ki kunji — Key Of Success — Short Motivational & Inspirational Story

Ek Aadmi Kahin Sy Guzar Raha Tha. Tabi Us Ny Sarak k Kinary Bandhy Huwy Hathiyo Ko Dekha Aur Achanak Ruk Gya. Us Ny Dekha k Hathiyo K Agly Pair Main Ek Rassi Bandhi Hui Hai. Usy Is Baat ki Bari Herani Hui k Hathi Jaisa Taqatwar Janwar Lohy Ki Zanjeeron ki Bajaye Bus Ek Choti C Rassi Sy Bandha Hua Hai. Ye Wazih Tha K Hathi Jab Chahin Bandhan sy Azaad Ho Kar Kahin b Ja Sakty Hain Par Kisi Wajah Sy Wo Aisa Nai Kr Rahy Thy.

Us Ny Paas Khary Aalim Sy Poocha K Bhala Ye Hathi Kis Wajah sy Itny Sakoon Sy Khary Hain Aur Bhaagny ki Koshish Kiu Nai Kar Rahy? Tab Us Aalim Ny Kaha In Hathiyo ko Choti Umar Sy He In Rassiyon Sy Bandha Jata hai. Us Waqat In K Paas itni Taqat Nai Hoti K Wo Is Bandhan ko Tor Sakain.Baar Baar Koshish Krny Par b Rassi Na Tor Pany ki Waja Sy Unhain Ahista Ahista Ye Yaqeen Ho Jata Hai K Wo In Rassiyon Ko Tor Nai Sakty Aur Bary Hony Par B Un Ka Ye Yaqeen Bana Rehta Hai. Is lye wo kabi isy torny ki Koshish He Nai Karty. Aadmi Herani Main Parh Gya k Ye Taqatwar Janwar Sirf Is Lye Apna Bandhan Nai Tor Sakty Kiu k Wo is Baat Par Yaqeen Krty Hain k Wo Aisa Nai Kr Sakty.

Life Lessons: In Hathiyo ki Tarah He Ham Main Sy Kai Log Sirf Apni Pehli Nakami Ki Waja sy Yee Maan Bethty Hain k Ab Ham Sy Ye Kaam Nai Ho Sakta. Aur Apni He Banai Hui Zehni Socho Sy Bandhy Huwy Poori Zindagi Guzar Dety Hain. Yaad Rakhiye Naakami Zindagi ka Ek Hissa Hai Aur Lagatar koshish Krny sy He Kamyabi Milti Hai. Agar Aap b kisi Aisy Bandhan Sy Bandhy Hain Jo Apko Apny Sapny Sach Krny sy Rok Raha Hai to Usy Tor Daliye.

Aap ko Ye Motivational Story Kaisi Lagi Neechy Comment kr k Zaror Btain. Shukriya.

Special dua

    Special
“DUAA” aap k liye,

ALLAH aap ko Ata kry:
Aisi MAFI: Jis k bad Gunah na ho,
aameen,

Aisi HIDAYAT: jis k bad Gumrahi na ho,
Aameen

Aisi RAZA: jis k bad Narazgi na ho,
aameen

Aisi REHMAT: Jis k bad Azab na ho,
aameen,

Aisi KAMYABI: jis k bad Nakami na ho,
aameen,

Aisi IZZAT: jis k bad Zillat na ho,
aameen,

Aisi KH0SHI: jis k bad Gham na ho
aameen,

Aur aisi SEHAT: jis k bad bemari na ho.
( Aameen)

Aslam.o.Alaikum  …

Main us

Muhammad-ur-Rasoolullah SallALLAHu Alaihy wa Sallam ne farmaya:
” Main Us Shakhs Ko Jannat K Kinaaron Per Ek Mahel Dilwanay Ka Zamin Hon Jo Haqq Per Hone K Bawajood Jhagrra Chorr De
Aur Us Shakhs K Liye Jannat K Darmiyaan Mein Ek Mahel Ka Zamin Hon Jo Mazaak Mein Bhi Jhoot Bolna Chorr De
Aur Us Shakhs K Liye Aala Jannat Mein Ek Mahel Ka Zamin Hon Jo Apnay Ikhlaaq Ko Umda Bana Lay..”
[ Abu Dawood
Kitab-ul-Adab
Hadees#4800 ]
(Darja: Hassan)